சஞ்சு சாம்சன் அல்லது திலக் வர்மா; கே.எல்.ராகுலின் முடிவு என்ன!

ஜோகன்னஸ்பர்க்: தென்னாப்பிரிக்காவுக்கு எதிரான முதல் ஒருநாள் போட்டியில் இந்தியாவின் ப்ளேயிங் லெவன் வீரர்கள் எப்படி விளையாடுவார்கள் என்று பார்ப்போம்.

தென் ஆப்பிரிக்காவில் சுற்றுப்பயணம் மேற்கொண்டுள்ள இந்திய அணி டி20 தொடருக்குப் பிறகு இன்று முதல் ஒருநாள் தொடரில் பங்கேற்கிறது. உலகக் கோப்பை இறுதிப் போட்டியில் தோல்வியடைந்ததை அடுத்து, கேஎல் ராகுல் தலைமையிலான இந்திய அணி தென்னாப்பிரிக்காவுக்கு எதிரான ஒருநாள் போட்டியில் ஜோகன்னஸ்பர்க்கில் விளையாடுகிறது.

டெஸ்ட் தொடருக்குத் தயாராகும் வகையில் பல மூத்த வீரர்களுக்கு ஓய்வு அளிக்கப்பட்டுள்ளது. இதன் காரணமாக ஒருநாள் அணியில் வாய்ப்பு கிடைக்காத பல வீரர்கள் மற்றும் இளம் வீரர்கள் தேர்வு செய்யப்பட்டுள்ளனர். முதல் போட்டிக்குப் பிறகு, ஷ்ரேயாஸ் ஐயர் ஒருநாள் அணியிலிருந்து வெளியேறி, மூத்த வீரர்களுடன் சேர்ந்து டெஸ்ட் கிரிக்கெட்டுக்கு தயாராவார்.

அதேபோல் தீபக் சாஹரும் தனிப்பட்ட பிரச்சனைகள் காரணமாக ஒருநாள் அணியிலிருந்து விலகியுள்ளார். அவருக்குப் பதிலாக ஆகாஷ் தீப் சேர்க்கப்பட்டுள்ளார். அதேபோல் ருதுராஜ் கெய்க்வாட் காய்ச்சலிலிருந்து இன்னும் குணமடையாததால் இன்றைய போட்டியில் விளையாடுவது சந்தேகத்தில் உள்ளது.

இந்திய அணியின் ப்ளேயிங் லெவனைப் பொருத்தவரை தமிழக வீரர் சாய் சுதர்சன், ரஜத் பதிதர், ஷ்ரேயாஸ் ஐயர் ஆகியோர் முதல் 3 இடங்களில் விளையாடுவார்கள். விராட் கோலிக்கு பதிலாக ஷ்ரேயாஸ் ஐயர் ஏற்கனவே விளையாடிய அனுபவம் அதிகம். பின்னர் 4வது இடத்தில் சஞ்சு சாம்சன் அல்லது திலக் வர்மா, 5வது இடத்தில் கேஎல் ராகுல், 6வது இடத்தில் ரிங்கு சிங் ஆகியோர் விளையாட வாய்ப்புள்ளது.

சுழற்பந்து வீச்சாளர்கள் அக்சர் படேல், குல்தீப் யாதவ் மற்றும் வேகப்பந்து வீச்சாளர்கள் அர்ஷ்தீப் சிங், முகேஷ் குமார், அவேஷ் கான் ஆகியோரும் விளையாட வாய்ப்புள்ளது. டி20 தொடரில் வாஷிங்டன் சுந்தருக்கு வாய்ப்பு கிடைக்காத சூழலில், ஒருநாள் போட்டியில் அக்சர் பட்டேலுக்கு பதிலாக ஏதாவது ஒரு போட்டியில் வாய்ப்புகள் உள்ளதாகத் தெரிகிறது.

Leave a Reply

Your email address will not be published. Required fields are marked *