2022 டி20 வேல்ட் கப்பில் இலங்கை அணி முதல் போட்டியில் எந்த அணியை எதிர்கொள்கிறது தெரியுமா ? ஆரம்பமே வெற்றி தான் !!
அவுஸ்திரேலியாவில் எதிர்வரும் ஒக்டோபர் மாதம் ஆரம்பமாகவுள்ள 2022 ஐ.சி.சி இருபதுக்கு 20 உலகக்கிண்ணத் தொடரின் முதல் சுற்றில் இலங்கை அணி விளையாடவுள்ள போட்டிகளின் அட்டவணை உத்தியோகபூர்வமாக அறிவிக்கப்பட்டுள்ளது. அதன்படி குழு ஏ யில் இடம்பெற்றுள்ள இலங்கை அணியானது நமீபியா, நெதர்லாந்து மற்றும் ஐக்கிய அரபு இராச்சியம் போன்ற அணிகளை எதிர்கொள்ளவுள்ளது. இருபதுக்கு 20 உலகக்கிண்ண தொடருக்கான தகுதிகாண் தொடரின் இறுதிப்போட்டியில் நெதர்லாந்து அணியை, சிம்பாப்வே அணி வீழ்த்தி முதல் சுற்றில் குழு பி யில் இடத்தை பிடித்துக்கொண்டது. அந்த குழுவில் அயர்லாந்து, ஸ்கொட்லாந்து மற்றும் மேற்கிந்திய தீவுகள் ஆகிய அணிகள் இடம்பெற்றுள்ளன.
முதல் சுற்றின் முதல் போட்டியில் இலங்கை அணியானது நமீபியா அணியை ஒக்டோபர் 16ம் திகதி எதிர்கொள்ளவுள்ளதுடன், 18ம் திகதி ஐக்கிய அரபு இராச்சியம் அணியையும், 22ம் திகதி நெதர்லாந்து அணியையும் எதிர்கொள்ளவுள்ளது. முதல் சுற்றுப்போட்டிகள் நிறைவடைந்த பின்னர் ‘சுப்பர் 12’ சுற்றுக்கான போட்டிகள் 22ம் திகதி ஆரம்பிக்கிறது.
முதல் சுற்றில் தங்களுடைய குழுவில் முதல் இரண்டு இடங்களை பிடித்துக்கொள்ளும் அணிகள், சுப்பர் 12 சுற்றுக்கான வாய்ப்பை பெற்றுக்கொள்ளும். உலகக்கிண்ண தொடரானது ஒக்டோபர் 16ம் திகதி முதல் நவம்பர் 13ம் திகதி வரை அவுஸ்திரேலியாவில் நடைபெறவுள்ளது.
